Студэнты 2 курса спецыяльнасці “Народная творчасць (інструментальная музыка)” у межах пазааўдыторных заняткаў па “Культуралогіі” разам са сваім выкладчыкам па дадзенай дысцыпліне Жылко Ульянай Аляксандраўнай наведалі выставу “Музыка на ўсе часы і густы” ў Музеі гісторыі рэлігіі г. Гродна.

Як вядома, музыка – від мастацтва, які ўздзейнічае на чалавека з дапамогай гуку і адлюстроўвае яго розныя перажыванні. У адрозненні ад прасторавых мастацтваў (жывапісу, скульптуры, архітэктуры) музыка рэальна існуе толькі ў выкананні, у жывым гучанні. Музыку можна падзяліць на духоўную і свецкую. Духоўная музыка звязана з тэкстамі рэлігійнага характару і набажэнствам. Свецкая музыка ў сваіх вытоках абапіраецца на народна-песенную, танцавальную культуру. Па спосабе выканання музыка падзяляецца на вакальную, інструментальную і вакальна-інструментальную. Музыка часта спалучаецца з іншымі відамі мастацтва - харэаграфіяй, тэатральным мастацтвам, кіно. Менавіта абодвум накірункам прысвечана дадзеная выстава. Дадзеная выстава была абрана для наведвання невыпадкова: для другакурснікаў гэта была выдатная магчымасць праверыць і паглыбіць свае веды ў гісторыі музычнага мастацтва, пашырыць свій гісторыка-культурны кругагляд, што безумоўна не будзе лішнім для будучай творчай прафесіі.

На выставе студэнты пазнаёміліся з экспанатамі з музейных фондаў і прыватных калекцый, якія адлюстроўваюць гісторыю развіцця музыкі і музычных інструментаў. Гэта старадаўнія богаслужбовыя кнігі, нотныя выданні і рукапісныя нотныя запісы, фатаграфіі і паштоўкі, плакаты і афішы, творы жывапісу і дэкаратыўна-прыкладнога мастацтва, музычныя інструменты і рарытэтная артэфакты гукатэхнікі. Асаблівая ўвага нададзена беларускай музычнай культуры.

Пасля экскурсіі адбылося невялікае абмеркаванне па найбольш уражваючых момантах выставы з супрацоўнікамі музея, якія адзначылі высокі ўзровень падрыхтоўкі і эрудыцыі нашых студэнтаў, іх матываванасць і зацікаўленасць у музычнай тэме.